1995 Gereciste upro them ajom, ando Burgenland upre bartschijom taj 15 berschenca kesdintschom mro 4-berschengero arsiklipe uso schtrajch- taj sajteninstrumentengero keraschi upri fochiskeri ischkola le kunstakere vasteskere verkiske taj design ande Hallstatt, savo me 2014 jeke patijaripeha kisetintschom.

Mra kisetinipeskera butjaha, jek Koboz, jerintschom o patijaripe „lek feder instrumento“. Palo arsiklipe upri dis Rapottenstein uso bauninipeskero kurs le historischi sajteninstrumentenge le Nupi Jenneriha sikavahi taj pal upre likeriptscha andi Kanada, Rumenija, Ukrajnija taj ando Ungriko, Cimbal-siklipe uso cimbalom-masteri Kálmán Balogh ande Budapest lijom.

Mre pomoschagoskere berscha uso Tomáš Kaiser ande Bratislava taj uso Jürgen Manthey ande Leipzig sina, kaj me 5 berscha butschalinahi taj kaj te o mandar kerde hegeduji taj bratschtscha te kinel delahi.

Palo kisetinipe mre masteriskere arsiklipestar 2020 ande Linz taj Hamburg lek feder patijaripeha, uschtidijom jek berschengero schtipendijum, saveha me ande mindenfelitike verkschtotscha andi Austrija taj te use Casa da Guitarra, Alfredo Teixeira taj Oficina dos Violinos ande Porto, Portugal butschalinahi.

Sajt 2022 hi man jek verkschtot ando austritiko Burgenland.